連續幾日落雨濕濕，加上潮濕天氣，容易滋生蟲蟲，費清牆壁上面成日都有一點點黑色嘅蟲仔，又有飛嚟飛去嘅蚊滋，雖然就唔會咬人，但真係好困擾唔知點算。早兩日終於頂唔順，走咗去問專家意見，原來簡單幾個步驟就可以有效趕走佢哋。
觀林蟲害嘅滅蟲專家Henry話，牆上面黑色或者透透地明嘅蟲仔原來叫「書蚤」，係一種食霉菌嘅蟲嚟，一般都係因為太潮濕而「吽」出嚟。而細細隻有翼曉飛嘅就叫「衣蛾」，秋冬喺衣櫃角落、床腳位產卵，一轉濕就走晒出嚟飛生到成屋都係。Henry話對付書蚤最忌用殺蟲水，因為如果殺得唔乾淨反而會令成哋有抗藥性，隔兩日繁殖返爆得仲勁；所以應該用乾布抹走（撳死）佢哋，再用一啲除霉劑洗淨牆面。衣蛾呢都係要見一隻殺一隻，要根治就要靠植物精油好似苦楝油咁，滴一兩滴喺櫃入面，令佢哋唔會走入去產卵。但要留意精油可能味道太大唔係人人鍾意。佢又話仲有兩種蟲都係香港春天常見，就係穀牛同介殼蟲。穀牛大家都知係米度走出嚟，最緊要呢就係啲米唔好擺咁耐。但介殼蟲就濕滯啲，多數喺茶葉或者靈芝冬菇度生出嚟，得1mm咁細隻，一爆就爆一堆。Henry話發現介殼蟲第一件事就係掉晒啲源頭物（靈芝！！），千祈唔好嫌浪費，因為啲蟲雖然爬得好慢，但轉個頭就會生到成屋都係；萬一搞唔掂，就記得搵滅蟲公司幫手。
資料來源：蘋果日報
Hits: 98